Letra
Elige hasta seis versos para crear una tarjeta.
Bənd 1
Əvvəllər böyük dairə kimi, bir ailə kimi
Amma get-gedə dustaq kimi
Həyatım ciddi rejimli zondur elə bil
Kitabım bağlanır, sondur elə bil
Məsləhət verənlərim tonla, hamısına bir quş
Hamı üçün yaydır, mənim üçün yenə qış
Yıxılırdım mən, əl uzadan yox idi
Ağlayanda ətrafımda gülən çox idi
Zibil yeşiyim ağzına kimi dolu ümidlə
Gözümü bağlamağım və açmağım zülümlə
Özümlə özümə elan etdiyim müharibədir yenə
Həyatım müsadirədir yenə
Heyif ki, yenə salınır təxirə mənim ölümüm
Bununla yenə də davam edir ömrüm
1-0-3, kömək edin, həvəs ölür
Əlində ülgüc hamam otağında ölüm
Bənd 2
Ailə dağılır, kim hara, tək özünü vur ora-bura
Küçə mənə qarşı, qafiyə mənə qarşı
Uğur mənə qarşı, taleyim mənə qarşı
Çox yıxılıb-durmuşam, bu dəfə də duraram
Müharibə davam edir, müdafiə quraram
Sözümü edib güllə hədəfi güllələyərəm
Ətrafımda ağlayan olsa, ürəkdən gülərəm
Bilərəm, kim mənə yaxın, kim uzaq olub
Kim mənimlə uduzub, kim udan olub
Kim qanmayıb, fikrimi tutan olub
Kim öldürən məni, kim yaşadan olub
Filmin yaxşı sonuna yenə də ümid edirəm
Öz işim naminə şeytana rüşvət verirəm
Etibar itib, etibar bilən gəlib
Sökülmüş evin hasarını tikən gəlib
(Şəbi-hicran yanar canım, tökər qan çeşmi-giryanım
Oyadar xəlqi əfğanım, qara bəxtim oyanmazmı, oyanmazmı)
Çıxış
Hər səhər oyanıb ümid edirəm ki
Bəlkə, bu gün dünəndən yaxşı olacaq
Amma yenə də hər axşam başa düşürəm ki
Dünən bu gündən qat-qat yaxşı olub
Bir günlə yaşayıram, bu günümlə
Çünki sabah, çünki sabah olmaya da bilər
Selecciona líneas para compartirlas. Puedes seleccionar hasta 6 líneas. Las flechas te mueven entre líneas, Espacio selecciona, Mayúsculas con las flechas selecciona un rango y Escape borra la selección.
